ഈണം – മലയാളത്തിലെ ആദ്യ സ്വതന്ത്ര സംഗീത ആൽബം
സ്വതന്ത്രമായി ആർക്കും ഇന്റർനെറ്റിലൂടെ പാട്ടുകൾ കേൾക്കാനും ഡൗൺലോഡ് ചെയ്യാനുമായി തയ്യാറാക്കുന്ന മലയാളത്തിന്റെ ആദ്യ സംരംഭം.വിവിധദേശങ്ങളിൽ ജോലിനോക്കുന്ന സംഗീത പ്രേമികളായ മലയാളികളുടെ ദീർഘനാളത്തെ ആഗ്രഹത്തിന്റെ സാക്ഷാത്കാരം.
വാണീജ്യ താല്പ്പര്യങ്ങളോ സാമ്പത്തിക ലാഭമോ ഇല്ലാതെയുള്ള “ഫ്രീ മ്യൂസിക്“ എന്ന ആശയം വർഷങ്ങളായി ബ്ലോഗിലെ സംഗീത മേഖലയിൽ പ്രവർത്തിക്കുന്നവരുടെ ഒരു സ്വപ്നമായിരുന്നു.കാലാകാലങ്ങളായി ഉരുത്തിരിഞ്ഞുവന്ന ഈ ആശയം ഉൾക്കൊണ്ടുകൊണ്ട് മലയാളത്തിന്റേത് മാത്രമായ ഒരു ‘സ്വതന്ത്ര സംഗീത ആൽബ’ത്തിനു രൂപം കൊടുക്കുവാനുള്ള ചിന്തകൾ പലപ്പോഴായി സൗഹൃദ കൂട്ടായ്മളിൽ ഉയർന്നു വന്നിരുന്നു.ആ സ്വപ്നം ഇവിടെ സാക്ഷാത്കരിക്കപ്പെടുകയാണ്.പല ഭൂഖണ്ഡങ്ങളിലായി പല രാജ്യങ്ങളിൽ ജോലിനോക്കുന്ന,പരസ്പരം നേരിൽ കാണാതെ,ഇന്റർനെറ്റിന്റെ മാത്രം സാദ്ധ്യതകൾ ഉപയോഗിച്ചുകൊണ്ട് ഒത്തുചേർന്ന ഒരു കൂട്ടം സംഗീത പ്രേമികൾ,ഇതാ അങ്ങനെയൊരാൽബം കാഴ്ചവയ്ക്കാനൊരുങ്ങുന്നു.
ഈ വരുന്ന 2009 ജൂണിൽ പ്രസിദ്ധീകരിക്കാമെന്നു പ്രതീക്ഷിക്കപ്പെടുന്ന പത്തു ഗാനങ്ങൾ അടങ്ങിയ ഈ ആൽബം പബ്ലീഷ് ചെയ്യപ്പെടുന്നതോടെ ആദ്യത്തെ മലയാള ബ്ലോഗ് സംഗീത ആൽബം എന്ന ആശയവും ഇവിടെ പൂർണ്ണമാവുന്നു. പൈറസിയുടെ പ്രശ്നങ്ങളില്ലാതെ സ്വതന്ത്രമായി അർക്കും ഡൗൺലോഡ് ചെയ്യാനും ഓഡിയോ സ്ട്രീമിംഗിലൂടെ അവ കേൾക്കാനും അവസരമൊരുങ്ങുകയും ചെയ്യുന്നു എന്ന പ്രത്യേകത കൂടിയുണ്ടിതിന്.
Get More details from http://eeenam.blogspot.com/
Related Posts:
Tags: eenam, Free Music, malayalam, mallu, music, open source
Ranjith,Thanks for your support by publishing this here about eenam..!
[Reply]